Opozita ka thirrur qytetarët shqiptarë këtë të martë , 20 shkurt në sheshet e protestës kundër qeverisë. Në takimet e ditëve të fundnit të zhvilluara në rrethe Gazment Bardhi, Flamur Noka e Luciano Boci u kanë kërkuar qytetarëve të dalin në protest kundër qeverisë pasi arsyet për të protestuar janë të shumta: nga aferat e inceneratorit të Tiranës, ku sipas deklaratës së Ahmetaj janë të përfshirë Rama e Veliaj, tek rritja e cmimeve, rritja e taksave, rritja e varfërisë e deri tek shpopullimi vendit. paprotokoll.com ka zbardhur detaje të kësaj proteste , ku mësohet se mbështetës të opozitës, do t’i bashkohen nesër protestës që do të mbahet para Kryeministrisë, në Bulevardin Dëshmorët e Kombit në orën 17:30. Pas gati dy vitesh pothuaj të gjithë demokratët , të paktën ata që mbështesin Sali Berishën e Gazment Bardhin do të jenë në protestë .
Të njëjta burime sqarojnë se ndonëse në arrest shtëpie nuk do të mungojë edhe fjalim i Sali Berishës I cili do të komunikojë me protestuesit përmes lidhjeve online
Gjithashtu mësohet se ne foltoren e protestës së thirrur nga opozia do të mbajnë fjalën disa të rinj demokratë dhe në mbyllje Flamur Noka e Gazment Bardhi.
Rithemelimi ka marrë është rreth 4-5 orë leje në polici për vijimin e protestës.
