Një ish-notare e nivelit të lartë akuzoi trajnerin e saj se kishte abuzuar seksualisht rreth 15 vjet më parë me të, kur ajo ishte e mitur dhe dyshohet se USA Swimming dhe organizata e individë të tjerë, e dinin për abuzimin dhe nuk bënë asgjë për ta ndaluar atë, sipas një padie federale.
E paraqitur në Gjykatën e Qarkut të SHBA në Massachusetts të premten, padia prej 33 faqesh pretendon abuzim seksual nga ana e Joseph Bernal, ish-trajnerit të notit në Fordham dhe Harvard, i cili shërbeu në stafin stërvitor të SHBA në Lojërat Olimpike të viteve 1984 dhe 1988.
Bernal drejtoi shumë mbajtës të rekordeve botërore dhe u përfshi në Sallën e Famës së Trajnerëve Amerikanë të Notit në vitin 2015, thuhet në padinë e dorëzuar nga Amanda Le, sipas CNN.
Ai gjithashtu themeloi Bernal’s Gator Sëim Club, një klub noti për amatorë, dhe drejtoi Le nga 2006 në 2010. Bernal abuzoi seksualisht me Le nga rreth 2008 deri në 2014, thuhet në padi.
Sipas padisë, Le u stërvit dhe konkurroi me Bernal’s Gator Sëim Club të Neë England, i njohur si BGSC-NE, nga mosha 13 deri në 18 vjeç. Kur ajo ishte 15 vjeç dhe Bernal ishte në mesin e të 60-ave, ai e puthi atë dhe kontakti seksual u përshkallëzua gjatë viteve të ardhshme, thuhet në padi.
“Kur ishte në shkollë të mesme, Amanda filloi të kishte sulme paniku, për të cilat ajo besonte në atë kohë vetëm për shkak të stresit të notit; ajo e dinte se (ajo) kishte frikë të mos performonte keq sepse do të ndëshkohej”, thuhet në padi.
“Amanda po vuante gjithashtu pasojat e abuzimit seksual, megjithëse nuk e kuptoi atë në atë kohë.”
Në disa udhëtime ekipore gjatë natës, Le flinte në dhomën e hotelit të Bernalit, thuhet në padi. Nga viti i parë i shkollës së mesme deri në vitin e saj të fundit, ajo e braktiste shkollën dhe trajneri e merrte dhe e çonte në shtëpinë e tij për marrëdhënie seksuale, sipas padisë.
