Tragjedia në Shkodër kur një grua 39 vjece u vetëmbyt bashkë me 3 fëmijët e saj të mitur në lumin Buna me 2 maj, ka vënë në lëvizje të gjitha institucionet ligjzbatuese për zbardhjen e ngjarjes së rëndë.
Prokuroria e Shkodrës po verifikon të gjitha kamerat e sigurisë të bizneseve e lokavele buzë lumit Buna për të zbardhur dhe itenerarin e rrugëtimit të fundit të Alma Arrazit, gruas 39-vjeçare e cila u vetëmbyt me tre fëmijët në lumin Buna. Ngjarja e rëndë u shënua më 2 maj 2024
Mediat kane arritur të kenë në dispozicion dy fotosekuenca nga ato pamje, njëra është momenti kur Alma me tre fëmijët ndahet nga kunata me fëmijën e saj dalin nga lokali ku kishin konsumuar një kafe tek Hyrja e Parkut të Biçikletave. Duhet të jetë ora 20:10. Alma merr të largohet ndërsa ka përdore djalin e vogël, Arditin 3 vjeç dhe njërën prej vajzave, Gresin 7 vjeçe dhe Ergesën 9 vjeçe.
Në një fotosekuencë tjetër rreht orës 20:21 Alma Arrazi shfaqet në trotuar së bashku me fëmijët e saj, rrugës që të çon te “Ura e Bunës” së vjetër, në drejtim të “Kishës së Zojës”, Shkodër
