Muzikali “Mamma Mia”, është sfida që Agai u ka dhënë fermerëve dhe që duhet ta realizojnë brenda kësaj jave në “Ferma vip”.
Sipas agait rolet janë ndarë dhe fermerëve iu dha mundësia që ta shihnin filmin e më pas të nisnin provat.
Baby G do të jetë në rolin e Sophies, ndërsa Xhesika në rolin e të fejuarit të Sophies, Sky.
Skena e puthjes është një nga sikletet e Baby G, por për këtë i ka ardhur në ndihmë trajnimi që i bëri aktorja Marjana Kondi, në mënyrë që puthja të duket reale në sytë e publikut, por pa qenë e tillë.
Natyrisht që kjo skemë ka shkaktuar shumë të qeshura dhe reagim tek fermerët e tjerë që ishin në dhomën e gjumit dhe e panë nga afër.
