Kryetari i grupit parlamentar demokrat Gazment Bardhi ka adresuar akuza të forta në drejtim të nënkryetares së Kuvendit Ermonela Felaj, për të cilën tha se është përfaqësuese e oligarkëve dhe grupeve kriminale, teksa hodhi në votim ligjin për investimet strategjike.
Edhe procesi i hedhjes në votim është i paligjshëm tha Bardhi, pasi sipas tij parlamenti nuk kishte kuorumin e duhur prej 71 deputetësh.
“Sot në drejtim të seancës nuk ishte Ermonela Felaj por përfaqësues i pesë oligarkëve që përfitojnë nga ligji dhe tre grupeve kriminale që përfitojnë gjithashtu. Ripërsëris që për opozitën është e rëndësishme që Parlamenti t’i kthehet normalitetit”- tha Bardhi.
