Drejtori i IT në Policinë e Shtetit, Ervin Muça është paraqitur këtë të premte në gjykatë.
Muça është në masën ‘arrest shtëpie’ dhe është pezulluar nga detyra. Në një prononcim për mediet ai u shpreh se e gjitha është spekulim mediatik dhe se nuk ka bërë asnjë shkelje.
“Deklarohem i pafajshëm. Është spekulim mediatik. Kam kryer detyrën, lëreni drejtësinë të veprojë, nuk kam bërë asnjë shkelje. Nuk kam kopjuar asnjë të dhënë. S’mi ka kërkuar askush”- Muça.
