Gjendet një person i pajetë në banesë, dyshohet se ka humbur jetën disa muaj më parë.
Mësohet se kanë qenë fqinjët që kanë njoftuar policinë ndërsa viktima është gjetur i dekompozuar në banesën e tij në lagjen 4.
Nuk dihen ende rrethanat e vdekjes por viktima jetonte i vetëm dhe nuk kishte familjarë të tjerë. Pritet të bëhet zbardhja e identitetit të personit dhe zbardhja e plotë e rrethanave të ngjarjes.
“Vëllai im prej dhjetorit nuk ishte parë nga komshinjtë, unë s`kam pasur komunikim me vëllain se jetoj në Tiranë dhe merrem me punë, tani që mora lejën e zakonshme erdha të shoh shtëpinë se e kemi të dy me vëllain. Kur erdha e gjeta të pajetë.
Vëllai im nuk ka telefon ndaj nuk komunikonim. Ai ishte i ndarë nga bashkëshortja. Ka dy fëmijë, e bija jeton jashtë shtetit ndërsa i biri jeton në Tiranë. Tani e lajmërova dhe u nis për këtu. Vuante nga zemra dhe trajtohej me kemp,” tha vëllai i viktimës.
