SHBA-ja ka kufizuar udhëtimin për personelin e ambasadës së saj në Izrael dhe anëtarët e familjeve të tyre pas raporteve për sulmin hakmarrës të Izraelit ndaj Iranit mëngjesin e kësaj të premteje.
Ambasada tha se stafit i është thënë që të mos udhëtojnë jashtë rajonit më të madh të Tel Avivit, duke përfshirë Herzliya, Netanya dhe Even Yehuda – dhe zonat e Jerusalemit dhe Be’er Sheva deri në njoftimin e mëtejshëm.
“Mjedisi i sigurisë mbetet kompleks dhe mund të ndryshojë shpejt në varësi të situatës politike dhe ngjarjeve të fundit,” thuhet në deklaratën e ambasadës.
