Vellai i deputetit të Partisë Socialiste Eduard Ndreca, i cili u arrestua tre ditë më parë si i përfshire në kultivimin e bimeve narkotike në zonen Kashnjetit në Lezhë, do të hetohet në gjendje të lire.Armando Ndreca dhe dy përsonat e tjere të arrestuar Armel Nikdukaj dhe Elvis Shpellzai u njohen këtë shtune me masen e sigurisë në gjykaten e Lezhës.Pasi dëgjoi palet gjyqtarja Edlira Çota, e cilësoi të paligjshem ndalimin nga policia të 32-vjeçarit Armando Ndreca dhe vendosi ndaj tij masen e sigurisë detyrim paraqitje, mase e cila u kërkua gjatë seances edhe nga prokuroria e çështjes Irena Sufaj, e cila pavarësisht kërkeses që kishte bërë që ai të qëndroi në burg, pasi u njoh me provat dhe pretendimet e të arresrtuarit ndryshoj qëndrim.
Ndërsa Armel Nikdukaj dhe Elvis Shpellzai të cilët u kapen në flagrance në stanin që kishin përshtatur për kultivimin e bimeve narkotike do të qëndrojnë në burg pa afat.
Ndalimi i tre personave u be gjate nje operacioni te zhvilluar nga policia e Lezhës në kuader të kontrolleve të territorit kunder kunder kultuvimit të droges.
Ata dyshohet se kishin përshtatur një ambient (stan), në pyjet e fshatit Kashnjet, për kultivim të bimëve narkotike cannabis sativa, nëpërmjet llambave që furnizoheshin me lidhje të paligjshme të energjisë elektrike.Nga ky ambient u sekuestruan 2973 bimë narkotike (disa prej tyre fidanë të gatshëm për t’u kultivuar në tokë), një sasi lënde narkotike cannabis sativa, 50 llamba, pajisje ventilimi, sende të tjera që i shërbenin kësaj veprimtarie kriminale dhe 3 celularë
Dy ditë më parë pas ndalimit të Armando Ndrecës reagoi avokati i tij i cili tha se kjo është hakmarrje politike ndaj deputetit nga ana e kryebashkiakut Pjerin Ndreu. Ai tha se ndalimi i vellait te deputetit socialist, është bërë për të goditur politikisht deputetin Eduart Ndreca pasi nga Pjerin Ndreu shihet si pengese per te çuar Ermal Pacajn ne Kuvend
