Prezantuesi Meriton Mjekiqi, raportohet të jetë përfshirë në një aksident rrugor teksa po udhëtonte nga Shqipëria në drejtim të Kosovës.
Ngjarja ka ndodhur mbrëmjen e së premtes, e mësohet se është dërguar në spital, i cili ndodhet në gjendje të rëndë për jetën.
Meriton Mjekiqi po udhëtonte në autostradën kryesore që të çon në Prishtinë, kur papritur njëra nga gomat e makinës ka shpërthyer.
Ish-banori i BBV raportohet se ka humbur kontrollin e mjetit dhe ka dalë nga rruga duke përfunduar në një fushë. Meritoni ka mbetur i bllokuar rreth i orë brenda makinës dhe është dashur ndërhyrja ekipeve të shpëtimit për nxjerrjen e tij nga mjeti.
Ai është dërguar menjëherë në urgjencë për të marrë ndihmën e parë mjekësore.
Deri më tani nuk ka asnjë reagim nga familjarët e tij apo partnerja, Ilnisa Agolli, të cilën e njohu dhe krijoi një lidhje dashurie në edicionin e tretë të Big Brother Vip Albania.
Meriton Mjekiqi pas përfundimit të Big Brother Vip e ndan kohën e tij mes Kosovës ku ka familjen dhe Shqipërisë ku po shijon lidhjen e dashurisë me gazetaren Ilnisa Agolli. Meritoni, i cili tashmë është zhvendosur për të jetuar në Tiranë, po përgatitej që të niste karrierën si menaxher artistësh në Kosovë e Shqipëri.
