Italia është në gatishmëri për shkak të parashikimeve për stuhi dhe reshje të dendura shiu, duke vendosur një alarm të verdhë në 10 rajone. Reshjet intensive dhe stuhitë pritet të godasin zonat qendrore-jugore të Adriatikut dhe rajonet e jugut në brigjet e detit Tirren.
Kjo situatë është bërë publike nga Departamenti i Mbrojtjes Civile, i cili ka lëshuar një paralajmërim për përkeqësimin e kushteve atmosferike, duke përfshirë shtrirjen e paralajmërimeve të mëparshme për ditët e fundit.
Stuhitë dhe reshjet do të fillojnë sonte në Kalabri dhe Siçili, të shoqëruara me vetëtima, stuhi lokale breshëri dhe erëra të forta. Për shkak të intensitetit të parashikuar të këtyre fenomeneve, një alarm i verdhë është vendosur për nesër, më 20 gusht, për rajone të ndryshme si Emilia-Romagna, Marche, Umbria, Abruzzo, Molise, Campania, Basilicata, Pulia, Kalabria dhe një pjesë të Siçilisë.
