Autoriteti Rrugor Shqiptar, njofton përmes një reagimi në faqen zyrtare se në orët e para të mëngjesit, filluan reshjet e dëborës në Rajonin e Korçës.
ARRSH bën të ditur se në Doganën Kapshticë, në Korçë-Dardhë, Korçë-Voskopojë, Korçë-Ersekë, Ersekë- Leskovik, borëpastrueset ndodhen në terren po punojnë me pastrimin e rrugëve nga dëbora, si dhe me shpërndarjen e kripës. në mënyrë që qarkullimi kryhet pa probleme.
“Drejtuesit e mjeteve të kenë kujdes të shtuar gjatë drejtimit të mjetit, për shkak të lagështisë në rrugë, të pajisen me goma dimërore dhe zinxhir kur udhëtojnë për në zonat malore me prezencë dëbore”, njofton ARRSH.
