Pas negociatave të gjata, koalicioni qeveritar në Gjermani ra dakord për detajet përfundimtare të legalizimit të kanabisit.“Ligji për legalizimin e kanabisit mund të hyjë në fuqi më 1 prill”- thanë nënkryetarët e grupit përgjegjës për politikën e drograve, pas raundit të fundit të negociatave në Berlin. Sipas agjencisë gjermane e lajmeve DPA, rregullorja re për kanabisin është një pikë kthese e vërtetë për një politikë moderne të drogës, e cila pritet të forcojë parandalimin e përdorimit të tyre dhe përmirëson mbrojtjen e shëndetit, fëmijëve dhe të rinjve. Ligji tani duhet të miratohet në Bundestag në shkurt, por me marrëveshjen e ekspertëve të grupit parlamentar miratimi konsiderohet mjaft i sigurt, edhe nëse disa deputetë të SPD-së kanë njoftuar se do ta votojnë kundër.
Ndalimi i kanabisit ka mbi 40 vjet që është në fuqi në Gjermani, teksa shitja dhe kultivimi ishin të ndaluara me ligj në vitet 1970 dhe fillim të viteve 1980. Tani, më 1 prill, kanabisi duhet të hiqet nga lista e substancave të ndaluara sipas “Ligjit për Drogërat Narkotike”.
Kultivimi në shtëpi dhe posedimi i sasive të caktuara të drogës do të lejohet për të rriturit nga 1 prilli 2024. Kultivimi kolektiv duhet të jetë i mundur nga 1 korriku. Megjithatë, rritja e konsumit të kanabisit mund të ndikojë në sigurinë e trafikut, edhe nëse ka kufizime në konsum, siç është rasti me alkoolin, paralajmëron sindikata CDU/CSU
