Ambasadori i Iranit në OKB ka thënë se Izraeli “do ta dinte se cila do të ishte hakmarrja jonë e dytë, ata e kuptojnë se e ardhmja do të jetë më vendimtare”.
Amir Saeid Iravani e dha këtë deklaratë për korrespondentin e Skynews, pas një takimi urgjent të Këshillit të Sigurimit të OKB-së dje në Nju Jork.
Një ditë më parë, Irani lëshoi më shumë se 300 dronë dhe raketa në Izrael në përgjigje të sulmit në një ndërtesë konsullore iraniane në Siri, për të cilën është fajësuar gjerësisht Izraeli.
Kabineti i luftës i Izraelit u takua të dielën për të diskutuar për një hakmarrje të mundshme kundër Iranit, ku u premtua për një kundërpërgjigje.
Iravani e përshkroi këtë premtim si “një kërcënim, jo një veprim”.
