Ka zgjatur vetëm 40 minuta protesta e opozitës, që u mbajt para bashkisë së Tiranës.
Duket se i nxehti përvëlues i këtyre ditëve, ka prishur planet e opozitës, e cila ka zgjatur vetëm pak tubimin në fjalë, që është i 13-ti në radhë.
Vetëm një grup militantësh iu përgjigjën ftesës së opozitës për të marrë pjesë në protestën e radhës të thirrur sot para godinës së bashkisë së Tiranës.
Edhe pse të paktë në numër e kane nisur me hedhje molotovësh protesten.
Nga pamjet me dron shihet se militantët janë të paktë në numër, ndërsa efektivët e policisë – më shumë se vetë protestuesit – janë vendosur kordon para godinës së bashkisë.
Me dhënien e lejes policia bën thirrje për të ndalur aktet e dhunës, por në protestat e mëparshme ky apel është injoruar dhe nga militantët janë djegur goma, hedhur molotovë dhe përplasur me policinë.
