Kryeprokurori Olsian Çela po raporton sot në Kuvend, duke bërë bilancin e vitit 2023 të punës së institucionit që ai drejton.
Ai deklaroi se edhe përgjatë vitit 2023, në institucionin që drejton, ka vijuar krijimi i vakancave. Gjatë raportimit në Kuvendin e Shqipërisë, lidhur me punën e këtij institucioni në vitin 2023, Çela u shpreh se vakancat, të përkohshme dhe të përhershme, jani deri në 38% të prokurorëve.
“Përgjatë vitit 2023 në të gjithë nivelet e prokurorive të juridiksionit të përgjithshëm ka vijuar krijimi i vakancave të përkohshme dhe të përhershme deri në 38 % të prokurorëve.
Megjithë problemet e krijuara nga këto mungesa të theksuara në organikë, prokuroritë e juridiksionit të përgjithshëm kanë ushtruar me përgjegjësi kompetencat bazuar në kuadrin ligjor në fuqi, rekomandimet e institucioneve kushtetuese dhe ndërkombëtare, si dhe në prioritetet e shtetit shqiptar që rrjedhin nga procesi i integrimit me Bashkimin Europian.
Koeficienti i kriminalitetit për procedimet penale të regjistruara, për 100,000 banorë në vitin 2023 është 872, ndërsa në vitin 2022 koefiçenti i kriminalitetit ka qenë 920. Në vitin 2022, përqindjen më të ulët të kriminalitetit për 100.000 banorë e ka qarku Dibër, ndërsa përqindjen më të lartë e ka qarku Vlorë.Ndër grupveprat penale me numrin më të lartë të procedimeve të regjistruara, evidentohet se veprat penale kundër rendit dhe sigurisë ”,u shpreh ai gjatë fjalës së tij.
