Gjykata e Fierit ka shtyrë sërish seancën gjyqësore ndaj Fredi Belerit. Mësohet se seanca e radhës do të mbahet më 2 Shtator 2024.
Sot në Gjykatën e Shkallës së Parë Fier, u paraqit sërish Fredi Beleri për të kërkuar lirimin me kusht.
Dy seancat e mëparshme dështuan për shkak të mungesës së dokumentacionit të nevojshëm. Beleri përfaqësohet nga avokati Geni Gjyzari, Gjyqtari i çështjes është Alfred Konomi, i cili do të shqyrtojë provat dhe argumentet e paraqitura nga të dyja palët.
“Kam kërkuar lirinë me kusht, e drejtë e imja, dhe shpresoj që drejtësia këtë herë të mos ndikohet”, u shpreh Beleri.
