Merr fund arratia e narkotrafikantit shqiptar, Dorian Petoku, i cili ishte në kërkim nga autoritetet italiane.
Mesohet se Petoku eshte arrestuar ne Dubai nga Policia e Emirateve të bashkuara Arabe në bashkëpunim edhe me Guardia di Finanza.
Petoku raportohet se ka pasur një rol të rëndësishëm në transportin e sasive të mëdha të kokainës nga Amerika e Jugut, konkretisht 7 ton nga Brazili drejt Livornos.
Ai ishte strehuar në Dubai pasi ishte arratisur në dhjetor 2023 nga qendra rehabilituese në Nola të Napolit, ku ishte transferuar me një certifikatë mjekësore.
Më parë Petoku ka qene i denuar me 12 vite burg për llogari të drejtësisë Italiane. Ai u arrestua në Shqipëri në vitin 2019-të, por u deshën dy vite për ekstradimin e tij drejt Italisë.
I riu u ekstradua në 21 Tetor të vitit të 2021 në Itali, por dëbimi i tij në burgjet italiane zgjati vetëm një vit, pasi gjykata vendosi lirimin e tij duke i dhënë masën arrest shtëpie.
